A afogada

Laura Suárez, unha rapaza de dezanove anos, moi sensible e exixente consigo mesma, esvae nas augas agitadas da praia de Riazor tras unha noite de festa en compañía de dúas amizades. Ao principio todo apunta a unha desgraza, pero os días pasan e o seu corpo non aparece.

Manuel Cifuentes, rescatador mariño con longa experiencia no seu oficio, non cre que a morte fose casual. Para el, os que acompañaban a moza esconden algo.

Rocío Leira amosa nesta trama de intriga unha verdade cargada de falsidades, nunha historia onde a mentira acaba sendo unha peza máis da verdade.