Carolina

Durante unha contenda civil sen piedade, Carolina Ernau loita por seguir con vida. Os vencedores non se conforman con eliminar físicamente aos vencidos: queren ademais impedir que estes poidan pensar e imaxinar. Carolina únese aos maquis e comparte a súa afección pola lectura, sobre todo polos títulos que a formaron como persoa e que tivo que ler en segredo, á luz dun candil ou cun foco de lanterna.

Sobre ela pesan ameazas de prisión, tortura e morte. A novela narra unha vinganza, a dunha persoa que non tolera que os crimes queden impunes e decide impartir xustiza coas súas propias mans. As súas accións levan a situacións arriscadas que poñen en perigo a quen participa no cometido.

Entre esas persoas está o xornalista Tomás Abilleira, que comeza a investigar a Carolina despois de coñecer a Rosalía Mera, unha enxeñeira que traballou para os nazis nos anos corenta do século XX.

Carolina é a última novela de Alberto Canal, unha historia de paixóns, vinganza e libros que, pola empatía que xera, convén ler de noite e cunha lanterna na man.