Izarak

Ane eta Xabi bikote arrunt bat dira, eguneroko bizitza lasaia dutenak. Biek Elene izeneko lagun mina dute. Hiruak elkarrekin joan dira Portugalera opor egitera. Bidaia hartatik urtebete igaro denean, ezer ez da lehengo moduan mantentzen.

Anek hitz egiten duenean, bizitzan hartutako erabakiak zalantzan jartzen ditu, batzuk bestearen atzetik. Inoiz bere barnean lekurik izan ez duten zalantzak dira. Haien ondorioz, Anen nortasuna dudan jartzen da: alde batetik besteen begiradek eratutakoa, bestetik berak bere jokabidearen bidez proiektatzen duena.

Elene Anerentzat ispilu bat da. Ane beti bizi nahi izan duen bizitzaren irudia da, eta bide-gurutze bakoitzean aukera egokia hautatzen lagun lezakeen laguna. Ane eta Elenek bilatzen dutena ez da elkarrena, norberaren izaera sakona baizik.

Bilaketa horrek gorputza, generoa, intimitatea, rolak, harremanak eta maitasuna ere zeharkatuko ditu. Azken batean, liburuaren gaia identitatearen eraikuntza da.