MICRORRELATOS

Este libro recolle os relatos premiados nas dúas primeiras convocatorias do Certame de Microrrelatos Día do Libro, impulsado polo Concello de Vilalba e por Culturalia GZ durante os anos 2019 e 2020. Son dezaoito textos repartidos en tres categorías: infantil, xuvenil e adulta.

Nunhas poucas liñas, cada microrrelato consegue construír unha historia completa. Esa concisión e a súa carga emocional fan da lectura algo áxil, un formato especialmente atractivo para quen busca relatos breves hoxe en día.